गोष्टी जिद्दी माणसांच्या भाग ७७

 *📝*गोष्टी-जिद्दी माणसांच्या*

*📝*भाग -77-*

*📝*श्री.चंद्रकांत मारुती बोऱ्हाडे. जिल्हा परिषद प्राथमिक शाळा अहिरे ता. खेड. जिल्हा पुणे*

    8308677799

    8806150248       


           

 *पंजाब राज्यातील फाजिल्का येथे  तिचा जन्म झाला.तिचे वडील ओ.पी.चड्ढा बॉर्डर सिक्युरिटी फोर्स म्हणजेच BSF मध्ये अधिकारी होते.तिचे मॅट्रिक पर्यंत चे शिक्षण फाजिल्का येथे तर इंग्रजी साहित्यात एम .ए .जालंधर येथे झाले.सुरुवातीपासून ती प्रतिभावान विद्यार्थीनी होती.वाद विवाद,नाटक,क्रिकेट यात ती कायम सरस कामगिरी करायची.लग्नानंतरही आपले जीवन थांबू नये अशी तिची इच्छा असते.याच जिद्दीतून ती अभ्यासाला सुरवात करते.किरण बेदी यांना ती कायम आदर्श मानत होती. पुढे प्रचंड मेहनत घेऊन ती महाराष्ट्र राज्यातील पहिली महिला पोलिस आयुक्त   बनते. ती मुलगी म्हणजे एक कर्तव्यदक्ष,तडफदार,लेडी सुपरकॉप  आय. पी. एस .डॉ मीरा बोरवणकर-चड्ढा*.                


मीरा यांनी मुंबई पोलीस उपायुक्त, जिल्हा पोलीस अधीक्षक औरंगाबाद, राज्य सी.आय.डी गुन्हेशाखा,CBI ची अपराध शाखा मुंबई, CBI भ्रष्टाचार प्रतिबंधक विभाग डी.आय.जी यासारखी अत्यंत महत्त्वाची पदे त्यांनी भूषवली.या शतकात मुंबई गुन्हे अन्वेषण विभागात प्रमुख असणाऱ्या एकमेव महिला म्हणजे मीरा बोरवणकर.त्यांच्या अतुलनीय कार्याचा गौरव म्हणून राष्ट्रपती सेवा पुरस्कार, पोलीस सेवा पुरस्कार त्यांना प्रदान करण्यात आला आहे.


 *मुंबई मधील माफिया राज कमी करून त्यांनी कठोर अधिकारी ही आपली *प्रतिमा अधिक दृढ केली.जळगाव  जिल्ह्यात शालेय मुलींना देह व्यापारात गुंतवणाऱ्या टोळीचा पर्दाफाश करून त्यांनी आपण लेडी सुपरकॉप आहोत हे दाखवून दिले.त्यावेळी त्यांनी अनेक प्रतिष्ठित लोकांना अटक करताना कुणाचीही गय केली नाही.त्यांच्या जीवनावर राणी मुखर्जी या अभिनेत्रीने भूमिका केलेला 'मर्दानी' हा चित्रपट प्रचंड गाजला.पाकिस्तानी दहशतवादी याकूब मेमनला त्यांच्याच निगराणी खाली फाशी दिली गेली.आय.ए. एस.असणारे  अभय बोरवणकर हे पती म्हणून मीरा यांच्या पाठीशी कायम भक्कमपणे उभे राहिले.मीरा या ज्या काळात आय.पी.एस झाल्या तो काळ मुलींनी फार शिकण्याचा नव्हता,पण त्या थांबल्या नाहीत.वाहत राहिल्या झऱ्यातील स्वच्छ सुंदर नितळ  पाण्यासारख्या.आणि यशस्वी अशा झाल्या की सर्वांनी त्यांच्या कार्याला सलाम केला. त्यांचे आयुष्य हेच शिकवण देते सतत वाहते रहा,आपले विचार प्रवाही ठेवा.आपण थांबलो की साचलेपणा येतो.आपल्या जीवनाचा आनंद रोज नव्याने जगण्यातच आहे*.


Comments

Post a Comment

Popular posts from this blog

राज्यातील स्वच्छ सुंदर शाळा धानोरे ,

Image
 *पुणे जिल्ह्यातील धानोरे शाळेचा राज्यात डंका*  *राज्यातील प्रथम क्रमांकाची स्वच्छ सुंदर शाळा म्हणून सन्मान*  *अखंड महाराष्ट्राचा ज्ञानियांचा राजा ज्ञानेश्वर माऊलींची जिथे समाधी आहे त्या तीर्थक्षेत्र आळंदीपासून अगदी दोन किलोमीटरच्या अंतरावर तुम्ही पूर्वेला गेले की एक टुमदार गाव लागते. त्या गावाचे नाव धानोरे. या गावाला महाराष्ट्राच्या नकाशावर वेगळी ओळख देणारी त्या गावातील आदर्श  जिल्हा परिषद शाळा आज सर्व महाराष्ट्राच्या शिक्षण क्षेत्रात केंद्रस्थानी आली आहे.त्याचे कारणही तसेच आहे.या आदर्श शाळेने संपूर्ण महाराष्ट्र राज्यात भारतरत्न डॉक्टर बाबासाहेब आंबेडकर आदर्श शाळा योजनेअंतर्गत मुख्यमंत्री माझी शाळा सुंदर शाळा या अभियानात राज्यात प्रथम क्रमांक मिळवून पुणे जिल्हा परिषद पुणे शिक्षण विभागाबरोबर धानोरे गावच्या शिरपेचात मानाचा तुरा रोवला आहे. शैक्षणिक सण 2024- 25 मध्ये सहभागी झालेल्या सर्व शाळांचे या अभियानाअंतर्गत विविध उपक्रमांचे मूल्यमापन  केले. या अभियानात सहभागी होऊन एकमेकांशी स्पर्धा करणाऱ्या शाळांना विविध उपक्रमा संदर्भात गुणांकन देण्यात आले होते. यात विद्यार्...
Read more

गोष्टी जिद्दी माणसांच्या भाग १३४

Image
 *📝गोष्टी जिद्दी माणसांच्या** *पर्व -2*  *नवीन गोष्टी नवीन व्यक्ती*  *📝भाग -134-* *📝*श्री.चंद्रकांत मारुती     बोऱ्हाडे. जिल्हा परिषद प्राथमिक शाळा अहिरे* 8308677799 8806150249 *त्याचा जन्म कर्नाटक राज्यातील  गोरुर हसन येथे कन्नड कुटुंबात एका छोट्या गावात 13 नोव्हेंबर 19 51 रोजी झाला. त्याचे वडील शाळेत शिक्षक तसेच उत्तम कादंबरीकारही होते. त्याचे बालपण गावातील नैसर्गिक वातावरणात गेले जेथे शेतमजुरी व शेतातील कामांमध्येही त्याचा सहभाग असायचा.इयत्ता पाचवीत असताना त्याला सैनिकी शाळेला प्रवेश मिळतो आणि त्याचे नशीब उघडते.पुढे तो मुलगा नॅशनल डिफेन्स अकॅडमी पुणे येथे निवडला जातो. पुढे तो मुलगा भारतीय सैन्य दलात अधिकारी म्हणून दाखल होतो.सैन्य दलात सेवा करून हा मुलगा वयाच्या 28 व्या वर्षी सैन्य दलातून निवृत्त होतो. काही काळ पोल्ट्री,शेती,हॉटेल स्टॉक असे व्यवसाय करतो. हे सगळे करत असताना त्याच्या डोक्यात एक अफलातून कल्पना येते ती कल्पना म्हणजे सामान्य माणसाला सर्वात स्वस्त दरात विमान प्रवास करता यावा म्हणून स्वतःची विमान कंपनी काढण्याची कल्पना. सुरुवातीला ही कल्...
Read more

गोष्ट माझ्या आईची भाग-२०

 *📝गोष्ट माझ्या आईची* *📝 .*रवींद्र साठे - विख्यात गायक*              📔       *भाग - 20*             *📝*श्री.चंद्रकांत मारुती बोऱ्हाडे. जिल्हा परिषद प्राथमिक शाळा अहिरे ता. खेड. जिल्हा पुणे*     8308677799     8806150248                 *माझ्या आईचा जन्म सोलापूर मध्ये झाला.तिचे वडील स्वातंत्र्य सैनिक होते.माझ्या आईचे नाव शकुंतला होते.माझ्या आईचा स्वभाव अत्यंत प्रेमळ आणि तेवढाच करारी होता.पानशेत धरण फुटून आमचा वाडा त्यात  भुईसपाट झाला.तरीही आई खचली नाही तिने घर तर बांधलेच पण घर, प्रपंच, पै पाहुणे हे सारे ती सांभाळत असे*. *तिच्या कार्यतत्परतेेचा आमच्यावर नकळत संस्कार झाला.माझ्या वडिलांना गाणे,हार्मोनियम येत होते.मी अभ्यासात फार चमकत नसलो तरी मनात आणि ओठात गाणेच होते.आई वडिलांनी ते जाणले आणि मला त्यासाठी प्रेरणा दिली.माझे गायन लोकप्रिय होऊ लागले तेव्हा तिला खूप बरे वाटायचे. कोणत्याही क्षेत्रात जा,पण तिथे कर्तबगारी दाखवा,हा स...
Read more